Vorið kíkir í heimsókn

Það er hlýtt í veðri þessa dagana og vorlegt.

Ég kíkti í Smálöndin fyrir viku síðan og sá mér til ánægju að hvítlaukurinn var farinn að láta á sér kræla en ég setti niður nokkra lauka síðast liðið haust.
Helstu garðverk núna eru að fylgjast með litlu græðlingunum vaxa.  Vökva þá nægilega, brátt líður að því að það þurfi að prikla þá.  Ég keypti mér líka bók nýlega sem fjallar um klippingar á plöntum.  Það er töluverður vandi ef vel á að vera.
Eftir páskafrí ætla ég að fara að sá til fleiri matjurta og hef hugsað mér að skipuleggja sáninguna eftir tunglganginum.
Svo er bara að fara að huga að því að undirbúa garðinn, stinga upp og fjarlægja fjölært illgresi.

Hvítlaukurinn gægist uppúr moldinni

Garðurinn minn í Smálöndum

Basilíkan spíraði illa

tímian, rosmarin og sumarblóm

Laukur, setti 2 fræ í hverja klósettrúllu, góð spírun, fjarlægi svo minni plöntuna

Krókus 

Bókin góða sem ég keypti

Vetrargarðurinn

 

Fór aðeins út í garð í gær og var að dunda mér við klippingar og skoða íbúana.  Mér sýnist veturinn hafa farið mjúkum höndum um þá flesta og meðal annars virðist Oregano hafa lifað hann af.  Snjórinn braut eitt eplatréð en ég vona að það muni lifa þrátt fyrir það.    Klippti ofan af því.   

Hér er mynd af eplatrénu síðan fyrr í vetur

Búið að fá klippingu

Pirja

Svartyllirinn er í ferlegu ástandi, vex í einni flækju

Reyndi að klippa hann, liggur enn mikið til niður við jörð.

Lavenderinn tórir enn, skýldi honum ekkert




 
 Brum á sólberjarunnanum

Undarlegur neonbleikur litur á sólberjarunnanum

Ekki sjálfgefið að Oregano lifi veturinn af

Það er vel hægt að fá sér grænkál núna

 

 

Jarðaberjaplöntur

Hér vaxa saman steinselja og mynta, steinseljan er tvíær en lifir sjaldnast veturinn af hér.

Kúmenplöntur gægjast uppúr jörðinni

Það er ekki hægt að borða þessa en þeir eru bara svo fallegir Vetrargosarnir

Sáði fyrir Lauk í dag 

Ræktunaraðstaða

Ég fékk hjálp frá tveimur herramönnum sem settu upp ljós í bílskúrnum.  Mér hafði áskotnast flúorlampi á síðasta ári frá vinkonu minni í sveitinni, borðið er gömul skápahlið og fæturnir tveir háir plaststólar.  Þar sem ég er að æfa mig í að forrækta þá vil ég ekki leggja alltof mikinn kostnað í útbúnað.  Ég er hinsvegar nokkuð ánægð með útkomuna.

Aðstaðan er í bílskúrnum hjá mér

Næst á dagskrá er svo að sá fyrir matlauk og Lavender.  Klippa runna og eplatrén, eitt er brotið :(.

vetur eða vor?

Fyrstu grænu kímblöðin gægjast uppúr moldinni, það er Timian sem ég sáði fyrir um viku síðan sem er farið að taka við sér.  Búin að taka lokið af og setja útí glugga

Sáði basiliku í þennan sniðuga pott sem ég fékk í jólagjöf.  Hann var búinn til á Bjarkarási.  Neðri hlutinn er fyrir vatn og efri fyrir mold.

Það sem stendur fyrir dyrum í mars er að koma sér upp aðstöðu fyrir græðlingana út í bílskúr, er búin að útvega mér flúorljós og ætla að hengja það yfir borð.
Svo eru það vorverkin, klippa runna og tré.

Langar til að sá eftir tungldagatalinu sem hægt er að finna hér:http://www.nattura.is/efni/h11/flokkur1372/sida1/

Það getur verið erfitt að halda að sér höndum þegar góðir dagar koma á þessum árstíma.

Vorfiðringur

Nú er kominn smá fiðringur í fingurnar og löngun til þess að róta í mold.  Í gær sáði ég fyrir:

Timian, Rósmaríni, einni tegund af sumarblómum, setti í mold 4 eikarakörn og 1 eplakjarna úr smáepli sem ég týndi í Oslo í fyrrahaust.  

Krydd er ágætt að sá fyrir í mars en matjurtir ekki fyrr en um miðjan apríl.  

Ég er líka að skipuleggja garðinn minn, reyni að rækta ekki sömu hlutina ár eftir ár á sama stað.  Vandinn er sá að ég á svo mikið af fræi að allrahanda plöntum að ólíklegt er að pláss sé fyrir þetta allt. 

Annars smakkaði ég jarðskokka í gær og mikið voru þeir góðir.  

Það er svo gaman að versla fræ, alltaf hægt að bæta við sig.

Ég held dagbók og punkta hjá mér helstu atriði

Verkfærin við sáninguna

Pínulítið gróðurhús, svo er bara að athuga  á hverjum degi hvort fræin séu farin að spíra.

Vetur konungur

Ég verð að segja að það er komin smá fiðringur í mig.  Er allavega farin að skipuleggja sumarið í huganum.  Er farin að velta fyrir mér tegundum sem mig langar til þess að prufa í sumar.  Ég kíki venjulega inná síðu á fésbókinni sem heitir Ræktaðu garðinn þinn og sé að sumir eru farnir að sá fyrir sumarblómunum.  Ég ætla að byrja forræktunina í lok febrúar, byrjun mars.  Það er að minnsta kosti stefnan núna.

Fór út í garð nýlega og þá blasti við mér eyðileggingin.  1 af þremur eplatrám mölbrotið.  Festing á stuðningsvír hafði gefið sig vegna snjóþyngsla. 

mölbrotið eplatré er sorgleg sjón

Heldur leiðinlegt, gæti nú samt alveg bjargast en það kemur að sjálfsögðu betur í ljós í vor.  Ég veit ekki hvaða yrki þetta er, merkimiðinn er á kafi í snjó.

Grænkálið er gaddfreðið en gæti alveg lifnað við ef kári sleppir tökunum einhverntímann.

grænkál í vetrarbúningi

Garðurinn er búinn að vera á kafi í snjó í langan tíma 

nokkur strá í snjónum

Ég hef lengi ætlað að punkta hjá mér hvernig ræktunin gekk síðasta sumar og hvað mig langar að gera næsta sumar.  

Kartöflurnar verða líklega alltaf efstar á lista:  Í ár ræktaði ég 5 tegundir, rauðar, gullauga, bláar, möndlu og premier.  Mér fannst uppskeran ekkert til að hrópa húrra fyrir, arfinn var allt að drepa, það var vottur af kláða í þeim og sprettan misjöfn.  Ég er á síðustu kílóunum núna.

stæstu möndlurnar 

möndlurnar eru mjög góðar 

bláar eru svolítið skemmtilegar útlits en bragðið ekkert sérstakt

Hugsa að ég einbeiti mér að rauðum í sumar, þær eru bestar, reyndar eru möndlurnar mjög góðar líka og komu mjög vel út brúnaðar með jólasteikinni.

Ég ætla að halda áfram að rækta tómata, fannst það svolítið skemmtilegt.

Steinselja er fastagestur á listanum hjá mér.  Hún er alltaf góð, vex vel, svo er hægt að frysta hana, á hana enn til í frystinum.  Ætla að rækta enn meira af henni næsta sumar, vefja henni upp í plastpoka og frysta eins og sýnt er hér:http://awaytogarden.com/growing-and-storing-a-year-of-parsley.
Ég á líka grænkál í frystinum.

Timian er eitt af mínum uppáhaldskryddum en mér hefur ekki gengið vel að rækta það.  Alltaf verið hálf ræfilslegt hjá mér.  Ætla að reyna að vanda mig sérstaklega vel næsta sumar.

Baunirnar voru mjög góðar og uxu vel en í ár ætla ég að forrækta þær því annars eru þær of seinar á sér og eyðileggjast í haustfrostunum áður en þær eru hættar að gefa af sér.

Svartræturnar voru góðar, Spergilkál og hnúðkál sælgæti vaxa vel, hef keypt þetta forræktað.  Reyni kannski að forrækta í ár ef ég kem mér upp góðri aðstöðu með ljósi eins og ég er með á planinu.

Allskyns Blaðsalat er nauðsynlegt.  Var með lítið beð úti í heimilisgarðinum.  Virkilega gott.  Graslaukar og Vorlaukar eru einfaldir og góðir

Sáði líka fyrir matlauk, hann var lítill og fallegur en því miður komust í hann þjófar.  Ætla að reyna þetta aftur á næsta ári.

Í ár ætla ég að rækta Sellerí en það er nýjasta æðið hjá mér.  Ætla líka að reyna við Aspas ef ég næ í fræ.
Agúrka  og Zucchini eru líka á lista.  Ætli stofan hjá mér verði ekki undirlögð af plöntum.

Rauðrófurnar eru ómissandi.  Mér fannst koma betur út að sá þeim beint frekar en að planta forræktuðum.  Þær hlupu í njóla hjá mér.  Mun sá fyrir enn fleirum í ár.

Listinn er alls  ekki tæmdur, en segi þetta gott í kvöld

vetrarstemning

Jólagjafir garðyrkjumannsins

Þá er aðventan gengin í garð, garðurinn er undir snjóþekju.
Ég hef verið að velta fyrir mér hvað garðyrkjumaðurinn í mér myndi vilja í jólagjöf og hér eru nokkrar hugmyndir:

Greinatætari: Þá væri hægt að nýta greinarnar í safnhauginn sem er erfitt ef þær eru heilar.
Safnhaugatunna:  Er með opinn safnhaug en langar til að prufa lokaðan líka.  Mjög mikill munur þegar hægt er að setja heimilisúrganginn á safnhauginn.  Minnkar rusl heilmikið

Góða greinasög:  Alltaf að saga einhverjar greinar og á ekki góða sög.

Smart stígvél  td þessi:


gúmmískór:


Aerogarden svo ég geti ræktað salat á veturna:




mig langar í þessa bók:




og þessa:




og þessa: Góður matur gott líf: í takt við árstíðirnar

og svo örugglega margt fleira sem ég man ekki í bili.

Gleðileg jól!